Na Mapuli Misalaba,
Shinyanga
Shirika lisilo la
kiserikali linaloitwa ANNA SCHUBERT
MACKEJA KWOFIE Foundation ASMK limetoa msaada wa Saruji na Magudulia 140
yatakayotumiwa na wanafunzi kwa ajili ya kufuata na kuhifadhi maji
Shirika hilo limetoa
magudulia hayo kwa lengo la kuwaondolea usumbufu wanafunzi kutoka na ndoo
nyumbani kwa ajili ya kufuata maji kwenye vyanzo vinavyopatikana umbali mrefu
kutoka katika eneo la shule.
Akizungumza katika hafla
ya kukabidhi msaada huo, Mratibu wa
utemi wa Busiya Mzee Alfred Muyanga amesisitiza
Walimu na wanafunzi kuyatunza magudulia hayo ambayo yatasaidia kuhifadhi maji
hivyo kutoa fursa kwa wanafunzi kuhudhuria vipindi darasani.
Kwa upande wake Mkuu wa
shule ya sekondari Busiya Mwalimu Badi Iddi
Mfinanda amepongeza na kusema msaada huo utasaidia kupunguza changamoto
zilizopo.
Nao baadhi ya wanafunzi
wa shule ya sekondari Busiya wamelishukuru shirika la ASMK kwa kutoa msaada huo
ambao utasaidia kupunguza changamoto zao.
Aidha afisa Elimu wa kata ya Itilima akizungumza kwa niaba ya afisa elimu wa Halmashauri ya Wilaya ya Kishapu, Renatus Malima amelipongeza na kulishukuru shirika la ASMK kwa kutoa msaada wa magudulia 140 na saruji katika shule ya sekondari Busiya ambapo amewaomba kuendelea na majitoleo hayo kwa lengo la kuisaidia serikali kutatua changamoto zilizopo.
ANNA SCHUBERT MACKEJA KWOFIE ASMK Foundation ni shirika lisilo la kiserikali linalojihusisha na utekelezaji wa miradi mbalimbali katika sekta za elimu na maji Wilayani Kishapu Mkoani Shinyanga,ambalo lipo chini ya himaya ya utemi wa Busiya wa Mtemi Edward Kidaha Makwaia.
Mbele upande wa kulia ni mratibu msaidizi wa utimi wa Busiya Bwana Nicholaus Luhende na upande wake wa kulia ni Mkuu wa Shule ya Sekondari Busiya ambapo nyuma ni viongozi wawakilishi wa shirika la ASMK wakitembelea mazingira ya shule hiyo.
Viongozi wawakilishi wa Shirika la ASMK wakiwa katika mazungumzo na mkuu wa shule ya sekondari Busiya ofisini kwake.
Mratibu msaidizi wa utemi wa Busiya Bwana Nicholaus Luhende akizungumza na baadhi ya wanafunzi wa shule ya sekondari Busiya.
Viongozi wawakilishi kutoka shirika la ASMK ambalo lipo chini ya himaya ya utemi wa Busiya wa Mtemi Edward Kidaha Makwaia, wakikabidhi magudulia hayo kwa wanafunzi na walimu katika shule ya sekondari Busiya.
Viongozi wawakilishi kutoka shirika la ASMK ambalo lipo chini ya himaya ya utemi wa Busiya wa Mtemi Edward Kidaha Makwaia, wakikabidhi saruji kwa wanafunzi na walimu katika shule ya sekondari Busiya.
Aidha viongozi wawakilishi kutoka shirika la ASMK baada ya kukabidhi magudulia na mifuko miwili ya saruji katika shule ya sekondari Busiya, wamepata nafasi kutembelea shule ya msingi Nhobola iliyopo katika kata ya Talaga Halmashauri ya Wilaya ya Kishapu.Shirika la ASMK limetembelea kuona maeneo ya darasa la awali shule ya msingi Nhobola ambapo shirika lilikarabati na kuipatia vifaa mbalimbali vya ziada na kiada kwa ajili ya ufundishaji wa watoto.Wawakilishi hao wa Shirika la ASMK wamepongeza jitihada za mkuu wa shule ya msingi mpya Nhobola kwa kuliendeleza darasa hilo la awali ambalo katika kipindi cha nyuma lilifungwa ambapo watoto hawakuendelea kusomea katika darasa hilo.
Katikati ni Mratibu msaidizi wa Utemi wa Busiya Bwana Nicholaus Luhende upande wa kulia ni afisa elimu wa kata ya Talaga Bwana Conrad Riwa, upande wa kushoto ni afisa mtendaji wa kata ya Talaga Bwana Msigala wakiteta jambo.
Social Plugin